မြန်မာနိုင်ငံလုံးဆိုင်ရာ ဗုဒ္ဓဘာသာယဉ်ကျေးလိမ္မာပြန့်ပွားရေးဗဟိုအဖွဲ့ခွဲ(၁)၊ နေပြည်တော်ယဉ်ကျေးလိမ္မာစင်တာမှ ကြီးမှူးကျင်းပသည့် မြန်မာနိုင်ငံလုံးဆိုင်ရာ ဓမ္မကျောင်းတော်နှစ်ပတ်လည်အစည်းအဝေး (၂၀၁၄)ကို စည်ကားသိုက်မြိုက်စွာကျင်းပပြီးစီး

မြန်မာနိုင်ငံလုံးဆိုင်ရာ ဗုဒ္ဓဘာသာယဉ်ကျေးလိမ္မာပြန့်ပွားရေးဗဟိုအဖွဲ့ခွဲ(၁)မှ ကြီးမှူးကျင်းပသည့် မြန်မာနိုင်ငံလုံးဆိုင်ရာ ဓမ္မကျောင်းတော်နှစ်ပတ်လည် အစည်းအဝေး ပွဲကြီးကို နိုဝင်ဘာလ ၃၀ ရက်နေ့ တနင်္ဂနွေနေ့တွင် နေပြည်တော် မင်္ဂလာဗျူဟာ သာသနာ့ ဗိမာန်တော်ကြီးတွင် ကျင်းပခဲ့ပါသည်။

အဆိုပါအစည်းအဝေးပွဲကြီးသို့ နိုင်ငံတော် သြဝါဒစရိယ၊ အဘိဓဇ မဟာရဌဂုရု၊ အဂ္ဂမဟာပဏ္ဍိတ၊ အဂ္ဂမဟာ ဂန္တဝါစကပဏ္ဍိတ၊ မဟာဝိသုတာရာမ ဈေးကုန်းကျောင်းတိုက်၏ ပဓါနနာယက ဆရာတော် ဘုရားကြီး၊ မြန်မာနိုင်ငံလုံးဆိုင်ရာ ဗုဒ္ဓဘာသာယဉ်ကျေးလိမ္မာပြန့်ပွားရေးဗဟိုအဖွဲ့၏ ဥက္ကဋ္ဌ ဓမ္မရံသီ ဆရာတော်၊ အတွင်းရေးမှူး (၁) ဟိတဓရဆရာတော် (မော်လမြိုင်)၊ ဓမ္မစကူးဖောင်ဒေးရှင်း၏ တွဲဖက် အတွင်းရေးမှူးဆရာတော် ဦးရာဇိန္ဒာလင်္ကာရနှင့် ဆရာတော်၊ သံဃာတော်များစုစုပေါင်း (၁၅၀)ပါးကြွရောက် တော်မူပြီး နေပြည်တော်ကောင်စီဝင် ဦးသန်းဌေးနှင့် အခြားဖိတ်ကြား ထား သည့် ဧည့်သည် တော်များ၊ မြန်မာနိုင်ငံအနှံ့အပြား ဓမ္မကျောင်းတော်များဖွင့်လှစ်ပြီး ယဉ်ကျေးလိမ္မာလူငယ်ပြုပြင်ရေးလုပ်ငန်း ဆောင်ရွက်နေကြသည့် စေတနာရှင်၊ ပညာရှင် ဆရာဆရာမများ၊ကော်မတီဝင်များ စုစုပေါင်း (၁၂၀၀)ခန့် တက်ရောက်ခဲ့ကြောင်းသိရှိရပါသည်။

အစည်းအဝေးပွဲကျင်းပရခြင်း၏ ရည်ရွယ်ချက်မှာ ဓမ္မကျောင်းတော်များဖွင့်လှစ်ကာ သာသနာပြုလုပ်ငန်းဆောင်ရွက်နေကြသည့် ဆရာတော်၊သံဃာတော်များနှင့် တာဝန်ရှိပုဂ္ဂိုလ်များအချင်းချင်း ထိတေ့ွကာ ရင်းနှီးချစ်ခင်မှုရရှိစေရန်၊ အတွေ့အကြုံများ ဖလှယ်ခွင့် ရရှိစေရန်၊ မိမိတို့ တွေ့ကြုံနေရသည့် အခက်အခဲများကို တင်ပြခွင့်၊ အကြံဉာဏ်များပေးနိုင်ခွင့်ကို မျက်နှာစုံညီ တွေ့စုံ၍ ဆောင်ရွက်နိုင်ရန်၊ ဝိုင်းဝန်းဆွေးနွေးကာ အသင့်လျော်ဆုံး အဖြေများ ဖော်ထုတ်ပေးနိုင်ရန်၊ ဆက်လက်ဆောင်ရွက်ရမည့် ရှေ့လုပ်ငန်းစဉ်များချက်မှတ်နိုင်ရန် ရည်ရွယ်၍ ပြုလုပ်ခဲ့ခြင်းဖြစ်ကြောင်းသိရ ပါသည်။

နှစ်ပတ်လည်အစည်းအဝေးပွဲကြီးမှ အတည်ပြုချက် (၇)ရပ်၊ မှတ်တမ်းတင်ခြင်း (၅)ရပ်၊ ရှေ့လုပ်ငန်းစဉ် (၈)ရပ်ကို ဆုံးဖြတ်ချမှတ်ကာ သဘာပတိဆရာတော်များမှ မော်ကွန်း မှတ်တမ်းရေးထိုး ခဲ့ပါသည်။

–       မှတ်တမ်းတင်ခြင်း (၅)ရပ် မှာအောက်ပါအတိုင်းဖြစ်ကြောင်းသိရှိရပါသည်။

၁။       နိုင်ငံတော် သြဝါဒစရိယ၊ အဘိဓဇ မဟာရဌဂုရု၊ အဂ္ဂမဟာပဏ္ဍိတ၊ အဂ္ဂမဟာ ဂန္တဝါစကပဏ္ဍိတ၊ မဟာဝိသုတာရာမ ဈေးကုန်းကျောင်းတိုက်၏ ပဓါနနာယက ဆရာတော် ဘုရားကြီး၏ သာရဏီယ သြဝါဒကို ဤနှစ်ပတ်လည်အစည်း အဝေးပွဲကြီးက ကောင်းမွန်စွာမှတ်တမ်းတင်ပြီး လေးစားစွာ ခံယူ၍ ဦးထိပ်ပန်ဆင်ကာ လုပ်ငန်းလမ်းညွှန်အဖြစ် ခံယူကျင့်သုံးဆောင်ရွက်ရန်။

၂။       မြန်မာနိုင်ငံလုံးဆိုင်ရာ ဗုဒ္ဓဘာသာယဉ်ကျေးလိမ္မာပြန့်ပွားရေးဗဟိုအဖွဲ့ ဥက္ကဋ္ဌ ၊ အမရပူရမြို့ ဓမ္မရံသီ မိုးကုတ်ဝိပဿနာ ကျောင်းတိုက်၏ ပဓါနနာယက၊ ကမ္မဌာနစရိယ ဆရာတော် ဘဒ္ဒန ္တ သုနန္ဒ (ဓမ္မရံသီ)၏ သြဝါဒ ကထာကို ဤနှစ်ပတ်လည် အစည်းအဝေးပွဲကြီးက ကောင်းမွန်စွာ မှတ်တမ်းတင်ပြီး လေးစားစွာခံယူ၍ ဦးထိပ်ပန်ဆင်ကာ လုပ်ငန်းလမ်းညွှန်အဖြစ် ခံယူကျင့်သုံးဆောင်ရွက်ရန်။

၃။       သမ္မတရုံးဝန်ကြီးဌာန ပြည်ထောင်စုဝန်ကြီး၊ နေပြည်တော်ကောင်စီ ဥက္ကဋ္ဌ နေပြည်တော် မြို့တော်ဝန်ဦးသိန်းညွန့်၏ ကိုယ်စား နေပြည်တော် ကောင်စီဝင် ဦးသန်းဌေးမှ သာသနာရေးဆိုင်ရာများ လျှောက်ထားခြင်းကို ဤနှစ်ပတ်လည်အစည်းအ ဝေးပွဲကြီးက မှတ်တမ်းတင်ရန်။

၄။       မြို့နယ်အသီးသီး၊ ဓမ္မကျောင်းတော် အသီးသီးနှင့် လူပုဂ္ဂိုလ် တစ်ဦးချင်းစီတို့က ပြုစုတင်ပြလာသော စာတမ်း (၈၄)စောင်ကို မှတ်တမ်းတင်ရန်။

၅။       နေပြည်တော် ယဉ်ကျေးလိမ္မာစင်တာ ဓမ္မကျောင်းတော် နှစ်ပတ်လည်အစည်းအဝေး (၂၀၁၄)သို့ ဓမ္မစကူးလ်ဖောင်ဒေးရှင်းမှ ကိုယ်စားလှယ်အဖြစ် တွဲဖက်အတွင်းရေးမှူး (၁) ဦးရာဇိန္ဒာလင်္ကာရ က ကိုယ်စားလှယ်အဖြစ်တက်ရောက်သည်ကို မှတ်တမ်း တင်ရန်။

–       ရှေ့လုပ်ငန်းစဉ် (၈)ရပ် မှာအောက်ပါအတိုင်းဖြစ်ကြောင်းသိရှိရပါသည်။

၁။       ဓမ္မကျောင်းတော်များ ရေရှည်တည်တံ့ရေးအတွက် ဆရာတော်၊ သံဃာတော်များ ရပ်မိရပ်ဖများနှင့် ဆရာ၊ဆရာမများ သုံးချောင်းထောက် အင်အားစုတို့သည် ပိုမိုထိတွေ့ကာ စည်းလုံးညီညွတ်စွာဖြင့် အရှိန်အဟုန်မြှင့်တင်၍ ဆောင်ရွက်ရန်။

၂။       ထိရောက်သော သင်ကြားရေးနည်းစနစ် ဖြစ်ထွန်းရေးအတွက် သင်ထောက်ကူ ပစ္စည်းများကို ကျယ်ကျယ်ပြန့်ပြန့် အသုံးပြုဆောင်ရွက်ရန်။

၃။       ဓမ္မကျောင်းတော်က လေ့ကျင့်သင်ကြားပေးလိုက်သော ကလေးသူငယ်များ၊ လူငယ် လူရွယ်များ၏ အမူအရာပြောင်လဲမှု့ (Behaviour Change) ကို ပုံမှန်အကဲဖြတ်ပြီး နှစ်စဉ်ဒီဇင်ဘာ (၁၅) ရက်မတိုင်မီအရောက် နေပြည်တော် ယဉ်ကျေးလိမ္မာစင်တာသို့ အရောက်ပေးပို့ရန်။

၄။       မြို့နယ်အသီးသီးရှိ ကိုယ်ပိုင်အထက်တန်းကျောင်း ဘော်ဒါများတွင် ကျောင်းစာ သင်ချိန်ကို မထိခိုက်စေဘဲ၊ အချိန်ပိုင်း ယဉ်ကျေးလိမ္မာသင်ခန်းစာများ ပို့ချနိုင်ရေး၊ သက်ဆိုင်ရာ ကျောင်းအုပ်ကြီးများ၊ ဘောဒါအုပ်များနှင့် ညှိနှိုင်း၍ ဆောင်ရွက်ရန်။

၅။       နေပြည်တော်ယဉ်ကျေးလိမ္မာစင်တာက နည်းးပြဆရာဖြစ်သင်တန်းများကို မြို့နယ်များတွင် တိုးချဲ့ဖွင့်လှစ်နိုင်ရေး ကြိုးပမ်းဆောင်ရွက်ရန်။

၆။       မြန်မာနိုင်ငံလုံးဆိုင်ရာ ဗုဒ္ဓဘာသာယဉ်ကျေးလိမ္မာပြန့်ပွားရေး ဗဟိုအဖွံဲ့ခွဲ(၁) နေပြည်တော် ယဉ်ကျေးလိမ္မာစင်တာက အတည်ပြု သတ်မှတ်ပေးထားသော ဓမ္မကျောင်းတော် ဆိုင်းဘုတ် ပုံစံအတိုင်း တပြေးညီ စိုက်ထူသွားရန်။

၇။       ယဉ်ကျေးလိမ္မာ လူငယ်နှီးနှော ဖလှယ်ပွဲနှင့် အရည်အချင်းမြူှင့် စွမ်းရည်ပြပွဲများ အခါအားလျော်စွာ ကျင်းပနိုင်ရန်။

၈။       ဓမ္မကျောင်းတော်များ ရေရှည်တည်တံ့တိုးတက်ရေးအတွက် ညီနောင်အဖွဲ့ အစည်းများနှင့် ချစ်ကြည် ရင်းနှီးစွာ ပူးပေါင်းဆောင်ရွက်ရန်။

 P1170306 P1170292P1170284

         

 

 78 total views,  1 views today

By admin

Leave a Reply

Your email address will not be published.