အမှတ်စဉ် (၁၆/၂၀၁၅) သင်တန်းဆင်းပွဲကို သြဂုတ်လ (၈)ရက်နေ့ နေ့လည် (၁၂း၃၀)နာရီ တွင် ကျင်းပခဲ့ပါသည်။
ဤသင်တန်းဆင်းပွဲကို မြတ်စွားဘုရားရှင်အား “နမောတဿ” မဟာပဏာမဘုရားရှိခိုးဖြင့် (၃)ကြိမ်ရွတ်ဆို၍ ဖွင့်လှစ်ခဲ့ပါသည်။ ထို့နောက် မြန်မာနိုင်ငံလုံးဆိုင်ရာ ဗုဒ္ဓဘာသာ ယဉ်ကျေးလိမ္မာပြန့်ပွားရေးဗဟိုအဖွဲ့ အတွင်းရေးမှူး(၁)ဆရာတော်၊ နေပြည်တော်ယဉ်ကျေးလိမ္မာစင်တာနှင့် ဓမ္မကျောင်းတော် ဗုဒ္ဓဘာသာယဉ်ကျေးလိမ္မာ နည်းပြဆရာဖြစ်သင်တန်းဌာန၏ သြဝါဒါစရိယ နေပြည်တော် ရန်ကင်းတောရ ပရိယတ် ပဋိပတ်ဌာန၏ ပဓာနနာယက ရန်ကင်းတောရဆရာတော်မှ တိုင်းပြည်၏ အနာဂတ်သာသနာကို ပိုင်ဆိုင်ထားကြသည့် လူငယ်မောင်မယ်များအား ဓမ္မစာပေများ သင်ကြားပေးရန်တွက် ဆရာ၊ ဆရာမများ၏ အဓိကတာဝန်ဖြစ်သည်ဟု မိန့်ကြားတော်မူခဲ့ပါသည်။
ထို့နောက် မြို့နယ်ပညာရေးမှူး(ငြိမ်း) ဆရာကြီးဦးအောင်မြင့်မှ ဓမ္မကျောင်းတော်ဆိုင်ရာ ဆောင်ရွက်ချက်များကိုလည်းကောင်း၊ ကျောင်းအုပ်ဆရာမကြီး-ငြိမ်း ဆရာမကြီးဒေါ်ခင်လင်းမှလည်း သင်တန်းတစ်ခုလုံးကို ခြုံငုံသုံးသပ်ကိုလည်းကောင်း၊ သင်တန်းသားများကိုယ်စား သင်တန်းသား လည်စွဲအမှတ်(၁) သတ(၇၆၅) ဦးအောင်ကိုကိုဦးမှ ကျေးဇူးတင်စကား လျှောက်ထားခဲ့ပါသည်။
ထို့နောက် သင်တန်းဆင်းလက်မှတ်များနှင့် အလှူရှင်ဂုဏ်ပြုမှတ်တမ်းလွှားများ ပေးအပ်ကာ “ဗုဒ္ဓသာသနံ စိရံတိဋ္ဌတု’’ (၃)ကြိမ်ရွတ်ဆို၍ အခမ်းအနားကို ရုပ်သိမ်းခဲ့ပါသည်။
နေပြည်တော်ယဉ်ကျေးလိမ္မာစင်တာ။

 333 total views,  1 views today

By admin

Leave a Reply

Your email address will not be published.